Husheko Ibarrean jarduerak etenda.

2020/03/26
Covid-19a planeta osoan zehar zabaldu da, eta Baltistaneraino ere iritsi da. Ikasturte hasiera bertan behera geratu da Hushe Ibarrean, eta bultzatzen ari ginen proiektuek aldi baterako atzerapena jasan dute.
Card image cap

Shazia gazteekin lanean.

Gazteen ekintzailetza eta gizarte-mobilizazioa bultzatzea helburu duen K-2 proiektua bertan behera geratu behar izan da exekuzio-erritmo ona zuenean. Izan ere, ia amaituta zegoen Shaziaren zuzendaritzapean ekintzailetza-ikastaroan parte hartuko duten gazteen hautaketa, eta Basharat Aliren ardurapean eraikiko den gizarte-berrikuntzako plataformarako elkarrizketa-jarduerak erritmo onean ari ziren egiten.

Hemen, proiektu globalaren ildoen jarraipenaz eta koordinazioaz arduratuko den atzerriratuaren kontratazioa itxi dugu, baina ezin izango da oraingoz hara joan, ekintzailetza-proiektuan Shaziak izango duen laguntzailea ere ezingo den bezala.

Espero dezagun egungo egoerak sortzen dituen ziurgabetasun eta zalantzak lehenbailehen argitzea, gure lankidetza-proiektuekin jarraitu ahal izan dezagun.